SINAKO ug kinarton nga mga produktong baboy ang nasakmit sa sakop sa African Swine Fever (ASF) Task force sa upat ka mga dagkong supermarkets ug malls sa dakbayan sa Sugbo
Di mo menos P103,557 nga balor sa mga produktong baboy ang nasakmit sa mga sakop Task Force sa Kapitolyo gahapon sa hapon sa tulo ka mga dagkong supermarkets ug malls sa dakbayan sa Sugbo.
Sagad sa mga nasakmit naggikan sa Luzon.
Gahapon, Oktubre 11, 2019, gipakita ni Dr. Mary Rose Vincoy, pangu sa veterinary office sa probinsya sa Sugbo ang mga kinarton ug sinako nga mga de lata ug uban pang mga produkto sama sa lumpia, ready-to-steam siopao, hotdog, luncheon meat, tocino gikan sa Pampanga, siomai ug chicharon gikan sa Bulacan, mga lugar nga pulos apektado sa ASF.
Gipasabot ni Dr. Vincoy nga ang mga gipunting nila nga tangtangon mao kadtong gi manufacture gikan sa Luzon sugod Enero ning tuiga.
Produkto sama nalang sa pork embutido, pork siomai, tocino, pork sisig, longganisa, cooked ham, pork balls, ug cheese lumpia. Expired embutido nga dunay label nga “Longganisa de Cebu” nga gi-manufacture sa Bulacan.
Pipila ang may expiry dates apan way tatak kon asa gihimo, matod ni Vincoy. (ANV)