MIPASALIG ang probinsya sa Sugbo nga bayran ang tanang bayrunon nga mga tuition fees sa mga scholars ubos sa Paglaum Scholarship program sa probinsya.
Kini maoy gipasalig ni Bokal Christopher “Dong” Baricuatro human kini giingong nakasanong sa Gobernador sa Probinsya sa Sugbo, Gwen Garcia.
Pinaagi sa usa ka text message gipasabot ni Bokal Baricuatro nga ang mga graduating scholars lang ang makapadayon sa pagdawat og allowance ug tuition ning tuiga.
Buot pasabot ang mga kasamtangang nagtungha nga scholars sa 2nd ug 3rd year college dili na makadawat ug sustento ingon man, bayad sa tuition niini.
Lakip usa sa bayran sa Probinsya ang tuition sa mga scholars nga migraduate na aron makakuha kini sa ilang mga Transcript of Records (TOR).
“As per instructions ni Gov., only paglaum scholars who are graduating this school year ang mapadayon. Also, the province will pay for those who already graduated but wala pa sila kakuha sa ilang TOR,, mensahe ni Baricuatro.
Dugang niya nga maghuwat una ang scholars sa desisyon sa Gobernador kon ipadayon pa ba niini ang Paglaum Scholarship Program.
“I don’t think ma accommodate ang tanan na 1,810 students. The governor has the prerogative to continue or not the Paglaum,” saysay ni Baricuatro.
Gahapon sa buntag, Oktubre 11, dili momenos 200k ka scholars nagproptesta ug nihangyo sa gobernador. (ANV)