NA-HACK ang official email sa Archdiocese of Cebu, busa dunay nikatap nga fake solicitation diin gi-email sa pipila ka indibiduwal nga gigamit ang pangan ni Cebu Archbisop Jose Palma.
Nahibalo ang Office of the Archbishop dihang dunay nangutana ug nireklamo niini.
“In the name of the Roman Catholic Archbishop of Cebu, Most Rev. Jose S. Palma, DD, we inform those concerned that we have received reports of unknown person/s using the name of the Archbishop to solicit funds via email,” tipik sa pamahayag sa Archdiocese.
Matod sa tigpamaba sa Archdiocese of Cebu Msgr. Joseph Tan nga nakadawat sila sa mga reklamo niadtong Huwebes sa hapon, Oktubre 10.
Gigamit sa nag-solicit ang official email sa Archdiocese ug mo-reply ang gipadad-an, laing email address na ang gigamit, busa nipasidaan ang Archdiocese sa publiko. (HBL)