MIHIMO og ocular inspection ang Toledo City Environment and Natural Resources (TCenro) sa Barangay Bato ug Cabitoonan kabahin sa reklamo sa mga residente batok Aboitiz Power sugod niadtong Huwebes, Oktubre 10.
Ang mga reklamo bahin bahong aso ug abog gikan sa planta nga nimugna og balatian sa lawas sama sa sip-on, ubo, hilanat ug katol-katol.
Matag gabii ang mga residente maglisod sa pagkatulog tungod sa kabaho og sa kasaba sa makina sa planta, ang ubang balay nga gama lang sa light materials mag-uyog uyog hinungdang maglingkod na lang sila kon matulog.
Sigon ni Josephus Nillas, Assistant Head sa Toledo Cenro, ilang gikuha tanang data ug i-report sa mayor alang sa mosunod nga lakang.
Ang Superbalita Cebu nikuha sa habig sa Aboitiz Power apan ang mga opisyal nagdumili og pamahayag. (KFD)