Mga duwa karon OCtober 13, 2019
4:30 pm- Rain or Shine batok Alaska
6:45 pm- San Miguel batok Ginebra
Human nila gipanghubog ang Magnolia Ang Pambansang Manok Hotshots sa labing ulahi nilang tahas, laing lig-on ug igsuong puwersa ang sagubangon sa San Miguel Beermen sa ilang pagpakigharong sa Brgy. Ginebra Gin Kings sa main game karong gabii sa Philippine Basketball Association (PBA) Governor’s Cup sa Araneta Coliseum.
Kon daw lungag sa dagom ang gilutsan sa Beermen una nila nadispatsar ang Hotshots, 90-89, niadtong Biyernes, gilauman nga susama niini kalisod ang ilang masugatan batok sa Gin Kings.
Ang Beermen, nga nagtinguhang makalangkat sa ikaduha nilang Grandslam title ning maong komperensya, mosuway pagsumpay og kadaugan sa ilang 4-0 nga rekord.
Sa ilang bahin, ang Gin Kings gikan sa duha ka sunodsunod nga kapildihan nga maoy nagpatagak kanila sa 1-2 nga rekord.
Apan bisan pa niini, wala kini nagpasabot nga usa ka huyang ang puwersa sa Gin Kings ug seguradong makasukol kini’g insakto batok sa Beermen.
Si Ginebra coach Tim Cone seguradong adunay himuong dako nga adjustment aron agakon pagbalik ang labing bantugang team sa nasod.
Sa premirong duwa, magsangka ang parehong nagkaguliyang nga Alaska Aces ug Rain or Shine Elasto Painters.
Ang Aces nagbitay sa labing ilawom nga bahin nga wala pa’y daog sulod sa lima ka mga duwa samtang ang Elasto Painters aduna’y 1-4 nga rekord.
Ning higayuna, grabe na ang panginahanglanon sa duha ka mga kampo nga makahagpat og kadaugan aron dili mounlod og samot ang ilang poruhan paingon sa playoffs.
“Alaska is hungry for a win and we are in a must-win situation,” matod ni Rain or Shine coach Caloy Garcia.
“We just have to find ways to close games outrcia. “Our last two games were lost by one possession.” (ESL)