SI PHILIPPINE Sports Commission (PSC) Chairman William I. Ramirez nagpasalamat sa Mindanao regional coordinators sa ilang paningkamot nga mapromotar sa grassroots level ang isport, diin gidasig niya kini nga buhaton ang tanan hangtud 2022.
Kini ang panawagan sa opisyal sa pagtapos sa PSC-Philippine Sports Institute strategic planning nga gihimo sa The Pinnacle Hotel and Suites, Sabado, Oktubre 12.
“Happy kaayo ko nga naa mo mainspire na laing mga grupo sa inyong mga ginahimo diri sa Mindanao. Strive for more. Go to the poor,” ni Ramirez sa iyan mensahe.
Dugang niya nga ang strategic planning importante aron madeterminar ang direksiyon una matapos ang termino ni Presidente Rodrigo R. Duterte sa 2022.
“Makakuha ta og leadership inspiration aning strat plan aron mas mualmbo pa ang sports sa grassroots," niya pa, samtang gidugang nga nakadawat siya og instruksiyon gikan sa presidente nga hatagan og ispesyal nga atensiyon ang Mindanao tungod sa suliran sa kalinaw.
“I am throwing this back to you. How much work have you done? Assess yourself. Makabuhat mo programa nga kamo lang, dili kinahanglan magdepende ra sa gobyerno."
Gidasig niya kini nga ipadayon ang pag-establisar og koneksiyon tali local government units (LGUs), government ug non government agencies lakip na private sector.
Apan aminado ang opisyal nga ang unom ka tuig di paigo aron makumpleto ang programa sa isports diha sa grassroots level.
Sa 2020, ang PSC Mindanao mopatuman og 44 ka programa satalent identification uban ang sports journalism, sports consultative with coaches certification, sports consultative with coaching clinic ug Children’s Games sa tanang rehiyon sa isla.
Si PSC Commissioner Charles Raymond A. Maxey, mihatag kasiguruhan sa suporta nila sa programa.
“I promise you of my presence, my support on the ground. Nalipay ko og dako kay kamo ang frontliners sa PSC, dako jud mo og tabang," ni Maxey.
Ang PSC-PSI coordinators gikan sa Tawi-Tawi, Davao del Sur, Davao del Norte, Iligan City, Bukidnon, Agusan, South Cotabato, Davao Oriental, Compostela Valley, Marawi City, Davao City, Davao del Norte, Gingoog City, Digos City, Davao del Norte ug Davao City. (PR)