SUPERBALITA DAVAO

Genoguin: Kinsa ang midaug pagka-bise presidente?

Kontra Balanse

MAG-TULO na ka tuig ang petisyon ni Ferdinand Bongbong Marcos sa Presidential Electoral Tribunal (PET), niadtong Oktubre 8 ning tuiga, plano na nga iyagyag sa publiko ang resulta sa petisyon ni Bongbong, gi-oktaba kini ugmang adlawa Oktubre 15, madayon ka ha?

Ang kampo ni Bongbong hugot ang pagtuo nga gitikasan siya sa milabay nga 2016 presidential elections, apan ang kampo ni bise presidente Leni Robredo hugot usab nga mibarog nga walay pagpanikas nga nahitabo, ug siya gyud kuno ang lehitimong midaaug pagka bise presidente.

Ang bola karon anaa sa atong Korte Suprema, ang importante dili langay-langayon ug dugay-dugayon sa hataas nga miyembro sa atong mga mahistrado, aron walay lama sa katahap nga dunay giluto sa sulod.

Sa iniphanay sa balota niadtong 2016 presidential elections daghan gyud hinuon ang natingala kay sa una ug ikaduhang adlaw sa canvassing nag-una og kapin sa usa ka milyon ka boto ang labaw ni Bongbong, apan nianang ikatulo ka adlaw kalit nalang gibiyaan si Bongbong hangtud sa adlaw sa pagdeklara milabaw si Robredo ug kapin sa dosiyentos mil ka boto.

Kinsa ang midaug sa pagka bise presidente? Kini ang usa ka dakong pangutana nga gipaabot sa mga katawhang Pilipino gikan sa atong Korte Suprema, aron mahatagan og hustisya ang duha ka kampo kung kinsa gyud ang tinuod nga gipili sa katawhan isip bise presidente niadtong milabay'ng 2016 presidential elections.

Sa atong nahibaw-an, sa 14 ka associate justices sa Supreme Court, tulo lang sa ila ang nagpabor kang Robredo, ug ang 11 hilom, wala kita makahibawo kung asa kini mipabor.

Daghan ang natahap nga lutuon kini pabor kang Bongbong, sanglit anaa kini siya karon sa administrasyon ni Pangulong Rodrigo Duterte, ug kadaghanan sa mga miyembro sa atong mahistrado tinudlo na sa atong pangulo.

Atong wad-on kanang klase sa kataap, atong saligan ang atong mga mahistrrado nga ang kamatuoran maoy mogawas aron magpabilin pa ang pagsalig sa mga katawhang Pilipino nga independente ang mga miyembro sa kataas-taasang hukmanan sa atong nasud.

Hinuon sa panig sa mga Marcos, tanang kaso nga gipasaka sa ila sukad pa niadtong bag-o lang nalangkat sa pagka presidente si Ferdinand Edralin Marcos sa tuig 1988 pulos man na-dismissed sa second division sa Sandiganbayan, tungod wa’y klarong ebedensya.

Atangan nato ugma kung unsay desisyon sa mga mahistrado sa Korte Suprema mo desisyon na ka ha, o dili pa.?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph