PITO ka higayon nga gitay-og sa mga aftershocks sa linog ang probinsiya sa Cotabato alas 2:42 sa hapon niadtong adlaw nga Sabado, Oktubre 12.
Kahinumdoman nga miigo ang 5.0 magnitude nga linog sa Makilala, North Cotabato nga nakapakugang sa katawhan alas 9:55 sa buntag niadtong Oktubre 11.
Nagsuspende og klase ang LGU-Kidapawan City ug Makilala gumikan sa linog.
Sentro sa pagtay-og sa yuta mao ang Makilala, North Cotabato nga dunay gilawmon nga 16 kilometro ug tectonic in origin.
Sugod niadtong adlaw nga Biyernes pito na ka higayon nga nasinatian ang mga aftershocks.
Walay natala nga damyos sa mga kabtangan lakip na kinaiyahan apan nakamugna og kahadlok sa katawhan.
Una na nga miigo ang 5.6 nga magnitude nga linog sa Makilala Cotabato, Hulyo 9, diin dunay naangol nga kinabuhi apil na ang mga balay nga nangaguba. (Edgar Fuerzas)