SUPERBALITA DAVAO

Motor nagsungag; 2 patay, 3 angol

DUHA ang nabugtuan sa kinabuhi ug tulo ang samaron sa nagsungag nga motor alas 4:15 sa hapon adlaw nga Sabado, Oktubre 12, sa siyudad sa Tacurong.

Giila ang mga nakabsan sa kinabuhi nga sila Perce Delos Reyes Cabagay, 18-anyos, dalaga, estudyante nga molupyo sa Purok 5, Barangay Tinaungan, President Quirino, Sultan Kudarat ug si Michael Santos Paulino, 23 anyos, ulitawo nga nagpuyo sa Block 2, Abeto Subdivision, Barangay Buenaflor, Tacurong City.

Naangol sab sila Wilfred Quimsing Gregorios Jr., 20-anyos, ulitawo, angkas ni Paulino nga molupyo sa Barangay Tual President Quirino, Elven John Navarro Cabagay, 16-anyos ug Verna Delos Reyes Pedroso, 18-anyos, estudyante nga pulos nagpuyo sa Purok 5, Barangay Tinaungan, President Quirino nga angkas ni Cabagay.

Sa taho gikan sa Sultan Kudarat Police Provincial nga sakay ang mga biktima sa Bajaj 100 nga Kawasaki nga gimaneho ni Cabagay ug XRM-Honda 125 nga gimaneho sab ni Paulino sa Roxas Avenue, Burgos Street, Barangay Poblacion, Tacurong City.

Kalit lang nagsungag ang duha ka motor sa tunga sa kalsada ug nangalagpot ang mga biktima.

Gipangdala sa balay tambalanan ang mga samaron apan duha nila ang nakabsan sa kinabuhi ug tulo ang naangol.

Gikanayon sa mga nakakita sa hitabo nga kusog ang dagan sa motor nga gimaneho ni Cabagay nga mibangga sa kasugat nga motor nga gimaneho sab ni Paulino.

Sa kasamtangan ang kapulisan sa Tacurong City ang padayon nga nag-imbestiga kalabutan sa maong hitabo. (Edgar Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph