Dear Papa Joe,
Tagu-a lang ko sa ngalan nga Kulas, 27 anyos na ang panuigon ug may ka-live in. Nagtrabaho ko sa BPO isip usa ka call center agent. Akong ka live in sad naa sa usa ka resort diri sa Cebu isip receptionist. Gwapa, sexy ug buotan pa gyud. Pero nausab ang dagan sa among relasyon tungod lang kay nakakaplag ko og lain.
Akong uyab karon akong kauban. Ambot nadani man ko ani niya nga usa man ta ni siya ka single mom. Gwapa sad siya. So far maayo man among relasyon bisan nasayod siya nga may ka live in nako. Maluoy man ko sa akong ka live in ug gusto sad nako buwagan siya pero maglisud ko kay dako ni og natampo nako financially. Siya ang nagbayad sa among boarding house.
Daghang gasulti nga sayop akong gibuhat mao nga magpatambag sad ko nimo. Daghang salamat.
KULAS
Kulas,
Legally speaking, wa kay problema kay di man mo minyo ug murag wala pasad moy anak. Pero kon pagbati atong gistoryahan ani, dili lalim binuangan.
Sa parte sa imong ka live in, sakit kaayo na ug samot na sa parte sa imong uyab ron kon di sad gyud ka seryoso, magdahum na hinuon na siya. Mao pangutan-a sa imong kaugalingon ko andam ba ka nga duphan siya sa pagpanaway labi na sa imong pamilya nga angkan siya? Andam ka mangamahan sa iyang anak? Mao ni balik-balika og pangutana sa imong kaugalingon. Kana lang ug salamat.
Papa Joe
(sa inyong tampo ipadala sa papajoesuperb@gmail.com)