Go: Zero balance target sa Malasakit Center

GIGAHINAN og anaa sa P5 milyones matag bulan ang Malasakit Center kini aron nga mahatagan og insaktong serbisyo ang katawhan sa dakbayan ug sa tibuok nasud.

Atol sa pagbisita ni Senator Christopher "Bong" Go sa siyudad sa Cagayan de Oro gibutyag niini nga libre ug zero balance o walay mabayran ang mga pasyente nga modangop sa maong ospital ilabi na sa Malasakit Center. Nagtunol usab kini og P5 milyones alang sa ospital ug laing P5 milyones gikan sa Medical Assistance for Indigent Patients (MAID) atol sa pagbisita ug gawas niini dunay matag bulan nga P5 milyones.

"Ang mobayad ani karon dili na ang pasyente ang mobayad ani ang Malasakit Center kay naa may pundo gibilin, 0 balance ang target aning Malasakit Center," matud ni Go.

Gibutyag ni Dr. Ramon Nery, ulo sa JRBGH, nga matag bulan dunay P5 milyones nga pundo nga gamiton alang sa mga panginahanglanon nga mga tambal ug uban pa.

"Kaning Malasakit mao ning every month will be given P5 million as soon as we liquidate katong atong nagamit nga P5 million," matud ni Nery.

Gidugang pa usab niini nga sistema na kini sa maong ospital ug ang naka maayo sa niining Malasakit Center ang tanang ahensiya giusa na ug mas dali na alang sa mga pasyente.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph