SUPERBALITA CAGAYAN DE ORO

Lalaki patay sa pinusilay, 3 polis samdam

PATAY ang lalaki nga nakigpinusilay sa kapulisan atol sa buy-bust operation sa mga awtoridad niadtong Oktubre 11 sa hapon sa Blk. 36, Vamenta Subdivision, Barra, Opol, Misamis Oriental.

Giila sa kapulisan ang suspek nga mao si Maingko Alinog alyas Mike residente sa Pinikitan ning siyudad samtang tulo usab giingong sakop sa kapulisan ang samaran apan walay angayang ikabalaka tungod kay luwas kini sa kakuyaw nga kahimtang kinsa nailang sila si PCPL Reynante Rara, PSSg Rex Tenio sa PS2 sa Cogon ug PSSg Holmer Rapliza nga membro sa SWAT.

Sa impormasiyon giingong nagpahigayon ang City Drug Enforcement Unit (CDEU) ug Cagayan de Oro City Police Office (Cocpo) ilabi na sa Police Station 2 (PS2) sa Cogon og buy-bust operation apan nakigpinusilay sa kapulisan si Alinog.

Gitumbok usab kini nga maoy suspek sa pagpatay sa biktima nga trabahante sa Gaisano mall nga si John Mark Lagumbay niadtong Oktubre 8 diha sa Tangkongan, Pinikitan ning siyudad.

Samtang nibutyag si PCol Henry Dampal, City Director sa Cocpo nga buy-bust ang operasiyon ug niresulta sa pagpamusil nga naigo usab ang tulo ka sakop sa otoridad hinungdan mga walay laing nahimo ang kapulisan ug napatay ang suspetsado.

Giingong tungod sa kapaspas sa panghitabo hinungdan nga naig-an ang mga otoridad bisan paman nga gikonsidera nga armed and dangerous o delekado kining suspek ilabi na nga suspek kini sa pagpatay.

Nagpasalamat usab kini nga luwas ra ang maong mga otoridad.

"Usa ni siya ba nga makita nato nga duna gyu'y real encounter, kini makita nato nga tulo ka buok dili ni siya tiaw-tiaw," pahayag ni Dampal.

Nasayran nga nahitabo ang pinusilay sa maong dapit kinsa nisulod og panimalay ug giingong nangita og maabangang balay diin nahitabo usab ang engkwentro.

Gibutyag usab ni PMaj Evan Viñas, tigpamaba sa Cocpo sa Superbalita Cagayan de Oro nga gikonsiderang naresolba na ang kaso sa pagpatay sa biktima nga si John Mark Lagumbay, 22 kinsa empleyado sa usa ka mall niadtong Oktubre 8 diha sa Pinikitan, Camaman-an ning siyudad apan gipangita pa ang mga kaubanan niini.

"Yes,but we're hunting the accessories and accomplishes of the suspect," matud ni Viñas.

Giingong gidudahan nga motibo ni Alinog sa pagpatay ni Lagumbay ang pagduda niini nga asset sa kapulisan.

Nasayran nga nabilanggo na ang suspek human nasikop sa tinugyanan sa Philippine Drug Enforcement Agency (PDEA) ug nakagawas tungod sa posibleng plea bargaining.

Ang mga samaran nga kapulisan ang nagpaalim na sa balay tambalanan ug walay angayang ikabalaka tungod kay luwas na sa kakuyaw nga kahimtang.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph