Maestro sikop sa buy-bust

SIKOP ang usa ka magtutudlo sa pampublikong tunghaan kini human napalitan sa ilegal nga druga niadtong Oktubre 10, 2019 sa Purok 2, New Compostela, Damulog, Bukidnon.

Naila ang maong dinakpan nga si Rey Sungahid, 51, ug magtutudlo sa grade 9 sa Old Damulog National High School.

Gibutyag ni Director Wilkins Villanueva sa Philippine Drug Enforcement Agency (PDEA-10) nga gibisita na si Sungahid sa tinugyanan sa PDEA ug sa kapulisan sa maong barangay aron ipailalom sa community-based drug rehabilitation program (cbdrp) apan giingong wala kini nitubag sa maong hangyo ug nagpadayon sa ilegal nga kalihokan.

"What a waste of talent and opportunity to live a normal life," sa post ni Villanueva.

Gidugang pa niini nga kini ang usa sa mga rason nga buot sa PDEA nga ipahigayon ang random drug testing sa mga estudyante lakip na sa mga magtutudlo.

Giandam na ang kasong ipasaka batok sa nahisgutang dinakpan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph