NAILHAN na sa Marigondon Police Station ang suspek sa pagpamusil sa Indian national sa Barangay Basak, Lapu-Lapu City niadtong Lunes, Oktubre 7.
Ang biktima nga si Gagandeep Singh, 27, tigpatanto ug nagpuyo sa Sitio Abuno, Barangay Pajac, Lapu-Lapu.
Sigon ni PCInsp Juan Capacio, hepe sa Station 4 Marigondon Police, nga nasuta na nila ang mamumuno nga ang motibo mao ang pagdumot apan wala pa kini hinganli.
Human masuta sa kapulisan ang suspek, mipahigayon dayon sila og imbestigasyon ug niadto sa balay niini apan wala na silay naabtan.
Nisibat kini kauban ang iyang mga kabanay human nahitabo ang pagpamusil.
Tinguhaon sa kapulisan nga ipasaka ang maong kaso karong semanaha. (KFD)