SUPERBALITA CEBU

1 patay, 1 kritikal sa kapistahan sa barangay sa lungsod sa Ginatilan

PATAY nang nadangat sa Malabuyoc District Hospital ang usa ka bag-ong graduwado sa Nautical human gidunggab og laing usa ang kritikal atol sa kapistahan kagahapon, Dominggo, Oktubre 13.

Si McRons Cayacap, 23, lumad nga taga lungsod sa Mainit, Surigao Del Norte ug kasamtangang nagpuyo sa iyang uyoan sa Barangay Canbagti aron pagbakasyon ug namista lang sa dapit.

Si Cayacap gideklarar sa doktor sa Malabuyoc Distritc Hospital nga dead-on-arrival.

Si PCMsgt. Irving Avila sa Ginatilan Police Station nga nahinabi sa Superbalita Cebu, nibutyag nga nahitabo ang insidente sa alas 12:15 sa kaadlawon sa Dominggo.

Atol sa liwas na nga adlaw sa kasaulogan sa kapiyestahan sa Sitio Danlog Barangay Cambagte, lungsod sa Ginatilan.

Samtang, kritikal ang laing kauban nga si Michael Ferrer, 18, ug molupyo sa Sitio Banigon, Barangay Salamanca, sakop sa maong lungsod.

Sa gihimong imbestigasyon sa kapulisan nasayran nga ang biktimang si Cayacap ug si Ferrer nag-estoryahanay sulod sa diskohan.

Sanglit nga gituohan sa kapulisan nga niadto lang tungura nagkahimamat ang duha nga nalingaw sa ilang panagtabi.

Ug ang responsable sa pagpanunggab mao ang usa ka Orlando Opon, 35, ug molupyo sa Barangay Cagsing nga silingang barangay.

Kuyog ni Opon ang kapuyo sa iyang inahan ug laing usa nila ka kauban nga giyayungan ni Opon ug sa kapuyo sa iyang inahan, kinsa pulos na nakainom.

Giingong nangatawa sila si Cayacap ug Ferrer sa dihang nilabay si Opon ug ang duha ka mga kauban niini atubangan sa biktima nga gituohan sa suspek nga si Opon nga sila ang gikataw-an sa duha.

Nibalik si Opon nga nag-inusara ug walay igong rason gipangdunggab sila si Cayacap ug Ferrer.

Nakaangkon og usa ka samad dinunggaban si Cayacap sa walang bahin sa ubos sa ilok nga gituohang naigo ang kasingkasing niini.

Samtang, si Ferrer nakaangkon usab og samad dinunggaban sa iyang tiyan nga bahin nga milapos sa iyang tinae ug gidala sa ospital sa dakbayan sa Sugbo. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph