SUPERBALITA CEBU

Gullas: Pagbalhin ni Carag dakong kawad-on sa Talisay

DAKO nga kawad-on sa syudad sa Talisay ang pagbalhin sa hepe sa Talisay City Police Station nga si Police Major Orlando Carag Jr., matud ni Mayor Gerald Anthony Gullas.

Si Gullas nipadayag sa iyang ka-kontento sa gihatag nga serbisyo sa Talisay police sa pamunuan ni Carag.

Gani matud sa mayor nga kon kahatagan pa lang siya og higayon, buot niya nga dungan usab sa iyang termino mahuman ang pagpangalagad ni Carag sa dakbayan.

“It is a big loss gyud for the city nga mawagtang si sir Carag, but we have to move forward, people get promoted and people have to transfer post. One of the thrust of our government is to support the PNP (Philippine National Police). Nagka-teamwork lang gyud pud mi ni sir Carag because maayo ang among working relationship, iyang pagtabang nako sa akong mga plano, ug ang ako sad pagtabang niya sa iyang mga programa for the peace and order situation sa City,” gipasabot sa mayor.

Si Carag nilingkud isip hepe sa kapulisan sa Talisay niadtong Hulyo 5 pa lang ug sa 100 ka adlaw niya nga panerbisyo, matud sa mayor nga dako na ang kalambuan may labot sa kahapsay ug kalinaw sa syudad, lakip na ang pagsulbad sa bisan unsa nga kremin sa dakbayan.

Si Carag, lakip na ang deputy niini nga si Police Captain Nazarino Emia, ang apil sa pipila ka mga pulis nga makoyug ni Police Brigadier General Debold Sinas nga ma-destino na sa kauluhan.

Nipadayag usab hinuon og kaandam si Gullas sa pagpakig-alayon sa bag-o unya nga hepe sa Talisay nga i-destino sa Cebu Provincial Police Office nga mao si Police Major Gerard Ace Pelare. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph