WA PA gani mokanta silang Daniel Padilla ug Moira dela Torre, kahibawo na ko nga sila ang manghakot og awards sa Himig Handog 2019 songwriting contest sa ASAP niadtong Dominggo.
Mao toy gitawag sa English: “it’s not the song but the singer.”
Apan kon lain pa’y gipakanta ato pustaanay di gyud to kadaug tong kantaha.
Siyaro sa 4,000 entries nga nadawat sa Himig Handog karong tuiga hinashasan na gyud kaha tong 12 ka entries nga ilang napili?
Kini kunong kanta mas nindot kon nagsalamin sad ni sa kultura ug kinabuhi.
Pareho sa lyrics sa 1970s hit “Pumapatak ang Ulan” sa APO nga nag-ingon:
“At kung meron kang tatawagan trenta sentimos ikay makakaltasan aahhh...”
Kay wa pa ma’y cellphone sa una. “Pay phone” pa.
Naa say linya ang kanta sa Hotdog nga: “Di pagpapalit kahit kay Rio Locsin” sa ilang 1970s hit nga “Langit na Naman.”
Pipila lang ni sa mga OPM nga wa lang maghubit sa ilang pagbati kundi hasta sa nahitabo nianang panahona.
Apan duna pa ba’y mga kanta ang bag-ong OPM nga ingon ani?
Ang mga kanta sad sa una mas dali sabton ug mas nindot og areglo di pareho karon nga maorag sequencer ray nagpadagan.
Mao tingaling wa gyuy kamatayon ang classic hits tungod kay gawas nga pamilyar na mas makahinumdom ta sa atong mga utang. Haha...
Oktubre 23
Advance happy anniversary sa Superbalita nga mag-25 na katuig karong Oktubre 23.
Sa Parklane Hotel ang party. Laysho! Duna’y live band, ang “On the Cover” nga mao say nanukar sa Best of Cebu party sa Sun.Star.
Sa atong mga suki ayawg kalimot deadline na karong Dominggo sa atong pre-anniversary promo. Special thanks sa Cebu’s Original Boneless Lechon, Chilen Chicharon ug sa Mountain Paradise Resort.
Congrats ni Wendy Mendoza nga mag-grand opening sa iyang bag-ong parlor sa Tabunok market karong Biyernes.