HUMAN ang Department of Health (DOH) 7 nakakompleto sa rekisitos sa Listahanan data sharing, ang Department of Social Welfare and Development (DSWD) Field Office 7 nitunol sa Listahanan dili pa dugay.
Pinaagi kini sa iyang National Household Targeting System for Poverty Reduction (NHTS-PR), usa ka database ug information management system nga nag-ila kinsa ug asang dapit ang mga kabus sa nasod.
“We will use these data for planning purposes,” matod ni Dr. Jeannette Pauline Arellano Cortes, Data Privacy Officer (DPO) sa DOH 7 dihang nidawat sa Listahanan data.
Si Hillton John V. Edrial, NHTS Head, ug Donald Rey Dejacto, Information Technology Officer (ITO) sa DSWD-7 kinsa maoy nitunol sa data sets, nalipay nga ang DOH 7 nakadawat na sa kataposan sa Listahanan database.
Si Dejacto nisud dayon sa data sa PDO’s assigned desktop computer human sa pagseguro nga ang computer nakaabot sa gitakda nga requirement.
Ang signed MOA ug ubang requirements mao ang katumanan sa Data Privacy Act of 2012, mandated sa National Privacy Commission (NPC) nga nanalipod sa individual personal information ug nagtuman sa right to privacy pinaagi sa regulasyon sa processing sa personal information.
Si Edrial naglaum nga ang ubang institutions sama sa Local Government Units (LGUs), Non-Government Organizations (NGOs), National Government Agencies (NGAs), Civil Society Organizations (CSOs) ug uban pa mohangop usab sa paggamit sa Listahanan datasets isip basihanan sa ilang planned programs ug services. (PR)