SAYO ug taas taas nga bakasyon ang ang naghuwat sa mga tinun-an sa pampublikong mga tunghaan sa tibuok nasod panahon sa Pasko ug Bag-ong Tuig.
Kini human niluwat og memorandum ang Department of Education Central Office nga sugod Disyembre 15 wa nay klase ang kindergarten, elementary ug high school sa tanang tunghaan sa Pilipinas.
Mobalik sila og eskwela sa Enero 6, 2020 na, Lunes.
Si Carl Capili, office staff ni Assistant Division Superintendent sa Cebu City Danilo Gudelosao nikumpirma sa maong kasayuran.
Niini, makapahimulos ang dul-an 200,000 ka mga tinun-an sa Cebu City sa hataas nga bakasyon. Ang Pilipinas adunay 61,916 ka eskwelahan diin 47,025 niini mga public school. (PAC)