SUPERBALITA DAVAO

Pagpatay sa manager sa Daneco nasaksihan

MACO, Compostela Valley -- Dunay posibilidad nga makahatag og linaw ug makatabang sa mga awtoridad ang saksi sa pagpusil patay sa finance manager sa Davao del Norte Electric Cooperative (Daneco)-Cooperative Development Authority sa siyudad sa Tagum sa pagsulbad sa kaso.

Nahitabo ang pagpamusil sa Purok 1, Lupon-Lupon, Barangay Hijo sa nahisgutang lungsod alas 5:37 sa buntag niadtong Dominggo, Oktubre 13.

Ang biktima nga si Glenn Maico Ordono, 46, minyo, molupyo sa Purok 3, Barangay Poblacion, Maco, wa nay kinabuhing naglunang sa kaugalingong dugo dihang naabtan sa mga niresponding pulis sa crime scene human gipusil sa wala mailhing armado samtang sakay sa iyang mountain bike.

Subay sa report nga nakuha gikan sa Compostela Valley Provincial Police Office, nasayran nga base sa saysay sa amahan sa biktima nga si Antonio, ang iyang anak nag-inusarang nibiya sa ilang balay alas 5:00 sa buntag sakay sa mountain bike aron mag-exercise ug nagplano nga moadto sa Barangay Lapu-lapu sa maong lungsod.

Sa dugang imbestigasyon, usa sa mga molupyo sa nahitaboan nga wa nagpabutyag sa iyang pangalan nagsulti nga iyang nasaksihan ang pagpusil sa biktima dihang siya padulong nga mag-jogging kauban sa iyang anak.

Matud sa saksi nga iyang nakita ang duha ka mga lalaki nga gituohang maoy nipatay sa biktima nga nagsakay sa wala matinong single nga motorsiklo nga giingong nagsunod kang Ordono kon diin ang angkas niini maoy nagsilbing gunman.

Sumala pa nga sa dihang nadungog ang sunod-sunod nga buto sa armas, daling nibalik sa ilang balay ang saksi gumikan sa kahadlok ug wa na niini makit-i ang sunod nga mga nahitabo.

Ang patay'ng lawas sa biktima gipahiluna sa Maco Funeral Parlor sa Purok 3, Barangay Anislagan.

Dugang pagpanubay ang gilusad sa kapulisan alang sa hingpit nga kasulbaran sa maong krimen. (Dexter T. Visitacion)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph