SUPERBALITA CEBU

Standhardinger gi-release sa SMB

MAGBAYLO og puwesto sila si San Miguel Beermen center Fil-German Christian Standhardinger ug iyang kaparang sa NorthPort Batang Pier nga si Mo Tautuaa.

Mao kini ang giuyonan sa duha ka mga kampo kagahapon.

Si Tautuaa mopakita na og aksyon isip bag-ong sakop sa San Miguel karong Dominggo, Oktubre 20, 2019 diin makigbatok ang Beermen sa Columbian Dyip sa kasamtangang nagpadayon nga Philippine Basketball Association (PBA) Governor’s Cup.

Sa wala pa siya naabot sa Batang Pier, si Tautuaa gikuha sa Talk N’ Text KaTropa isip No.1 overall rookie pick niadtong 2015.

Nabalhin si Tautuaa sa Batang Pier pinaagi sa trade nga naglambigit sab nila ni Terrence Romeo ug Yousef Taha.

Ubos sa kampo sa Batang Pier, si Tautuaa nag-average og 11.3 puntos, 8.8 rebounds ug 2.3 assists sa Governor’s Cup.

Sa iyang bahin, si Stanghardinger usa ka first round pick sa Beermen niadtong 2017.

Gilauman nga ang klase sa duwa ni Standhardinger haom sa sestima ni Batang Pier coach Pido Jarencio.

Isip bag-ong sakop sa Batang Pier, si Stanghardinger moduwa sa labing unang higayon karong Oktubre 23 batok sa Beermen.

Sa laing bahin, ang Beermen nasugamak sa 124-129 nga kapildihan batok sa ilang igsuong puwersa nga Brgy. Ginebra Gin Kings sa main game niadtong Dominggo sa Governor’s Cup sa Araneta Coliseum.

Nagkumboya sila si import Justin Brownlee, Japeth Aguilar, LA Tenorio ug Stanley Pringle aron agakon ang Gin Kings ning maong dakong kadaugan.

Ang Gin King mingsaka sa 2-2 nga rekord samtang ang Beermen ningdakin-as sa 4-1 nga baraha.

Adunay higayon nga nakaposte og 18 puntos nga labaw ang Gin Kings sa 3rd quarter apan hinayhinay kining gisumsom sa Beermen hangtod nga misikit og balik ang duwa sa hinapos nga bahin.

Hinuon nakakita ra og paagi ang Gin Kings sa hinapos nga bahin aron angkunon ang kadaugan.

Sa premirong duwa, gipukan sa Alaska Aces ang Rain or Shine Elasto Painters, 78-71, aron irehistro ang labing una nilang daog sa komperensiya.

Ang Aces ug Elasto Painters pareho nang naggunit og 1-5 nga rekord. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph