SUPERBALITA CEBU

Coach ni Tabal hari sa 50-K run

GIDUGANGAN ni multi-titled runner ug triathlete John Philip Dueñas, coach sa Sugboanong Olympian Mary Joy Tabal, ang iyang panudlonan sa kalampusan pinaagi sa pagdaog sa Danawan 50K Ultramatahon niadtong Dominggo, Oktubre 13, 2019 sa Danao City.

Si Dueñas, kinsa sakop sa Motor Ace Racing Team, mitali og upat ka mga oras, 25 ka mga minutos ug 53 ka mga segundos aron dag-on ang men’s overall title.

Bisan mao kini ang labing unang higayon nga misalmot si Dueñas sa ultra marathon, iyahang nadominar ang lumba diin nabiyaan niya og usa ka oras ang nagsunod kaniya sa iyang pag-abot sa finish line.

Ang nagsunod kang Dueñas nga si Ranie Kiamco mitali og 5:24:00 samtang ang 3rd placer nga si Roel Villamor mirehistro og 5:45:45.

Sa interbyu sa Sun.Star Cebu, matod ni Dueñas nga misalmot siya ning maong lumba isip tipik sa iyang preparasyon sa 50K Spartan Race nga gikatakda karong Oktubre 26 sa Pampanga.

Sa laing bahin, si Noriebelle Bacusmo maoy midaog sa women’s division pinaagi sa oras nga 6:57:47. Ang 2nd placer mao si Fe Hoffner Vin Styggenein (7:25:14) ug 3rd placer si Jasmine Capangpangan (8:45:07). (RSC, ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph