SUPERBALITA CEBU

Pelicans, Celtics padayong miratsada sa pre-season

PADAYON ang pagratsada sa New Orleans Pelicans ug Boston Celtics sa pre-season sa National Basketball Association (NBA) ug pareho kining nakakulit og laing kadaugan kagahapon.

Ang Pelicans ningmakmak sa San Antonio Spurs, 123-114, aron inaton ang ilang limpiyong rekord ngadto sa 4-0.

Ang No.1 rookie pick nga si Zion Williamson maayo na sab nga nakaduwa ug gipangulohan ang Pelicans pinaagi sa iyang 22 punto.

Sa ilang bahin, ang Celtics wala’y kaluoyng ninglubong og taga liog sa Cleveland Cavaliers, 118-72.

Gipangulohan ni Max Strus ang balanseng ataki sa Celtics pinaagi sa iyang 14 puntos samtang si All-Star guard Kemba Walker niamot og 12 puntos.

Ang Los Angeles Clippers ningmakmak sa Melbourne United, 118-100.

Bisan wala mingduwa ang ilang labing sinaligan nga si Kawhi Leonard ug hasta si Rodney McGruder, ningdominar lang gihapon ang Clippers sa kombati.

Gipangpukan sa Milwaukee Bucks ang Washington Wizards, 115-108, gipangmakmak sa Chicago Bulls ang Toronto Raptors, 105-91, gipanglampornas sa Philadelphia 76ers ang Orlando Magic, 126-94, samtang gipangkusokuso sa Minnesota Timberwolves ang Maccabi Haifa, 131-101.

Sa laing bahin, gumikan sa haw-ang nga nahulma sa pagbiya nila ni Kevin Durant ug Andre Iguodala ug sa pagpaalim ni Klay Thompson sa iyang angol, sangko sa langit ang panginahanglanon sa Golden State Warriors kang Stephen Curry.

Nagkanayon si Warriors coach Steve Kerr nga andam si Curry pagpas-an sa makonsiderar nga labing bug-at niyang obligasyon sa umaabot nga season sa NBA.

Gipasabot ni Kerr nga nasayod ang two-time MVP sa umaabot niyang tahas hinungdan nga grabe ang pagpangandam niini. (AP, ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph