SUPERBALITA CEBU

Dobling kadaugan sa Tuburan sa PJ Cup

BASKETBALL:

Balamban 2 0

Barili 2 1

Pinamungajan 1 0

Tuburan 1 0

Asturias 1 2

Toledo City 0 1

Aloguinsan 0 3

Volleyball:

Balamban 2 0

Aloguinsan 2 1

Pinamungajan 1 0

Tuburan 1 0

Barili 1 2

Toledo City 0 1

Asturias 0 3

Dobling selebrasyon ang gikulit sa Tuburan teams human kini mipugnit og tagsatagsa ka kadaugan sa ilang unang aksiyon sa Congressman PJ Cup basketball and volleyball tournament nga gipahigayon sa Asturias Sports Complex niadtong Dominggo.

Sa basketball, ang Tuburan misandig sa kalantip ni Jessie Cris Bayno, kapitan sa barangay Mag-alwa, aron ilubong ang Aloguinsan, 89-75.

Si Bayno mipaksit og 29 puntos aron pangulohan ang Tuburan sa ilang unang kadaugan. Sa samang higayon mao usab kini ang nakapahimo kaniya nga best player of the game.

Wa usab magpabitin ang ilang team sa volleyball event sa dihang gisiruhan ang Aloguinsan, 2-0.

Kini maoy unang pildi nga naangkon sa Aloguinsa human sa duha ka sunodsunod nga daog.

Sa laing duwa, girehistro sa Barili ang ilang ikaduhang daog, 95-79. Si Jejomar Alesna, barangay kagawad sa Boloc-boloc, Barili mipaulbo og 32 puntos aron angkunon ang pasidungog nga best player of the game.

Sa kapildihan, ang Asturias nahagsa ngadto sa 1-2 nga baraha.

Samtang sa volleyball, nasakmit sa Barili ang ilang unang daog sa tulo ka duwa human patapsingi ang Asturias, 2-1.

Ang Asturias pabiling wala pay daog sa tulo ka duwa.

Subay niini, gibutyag ni Alvin Canada, ang tournament director, nga motapon didto sa lungsod sa Tuburan ang mga duwa karong Sabado, Oktubre 19.

Mobalik kini sa lungsod sa Pinamungajan sa Dominggo, Oktubre 20. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph