SUPERBALITA CEBU

Pinay boxer naka-gold sa Women’s World Boxing

HUMAN sa daghang katuigan nga igo lang siyang nahimong runner-up, ang beteranong babaye nga boksidor nga si Nesthy Petecio nakakulit na og pangalan sa world stage dihang nakalabni siya og bulawan sa Russia niadtong Dominggo.

Si Petecio maoy nakalangkat sa gold medal sa featherweight division sa 2019 AIBA Women’s World Boxing Championships.

Ang kalampusan ni Petecio nahitabo pipila ka mga oras human sa kalampusan sa laing Pinoyng atleta nga si Carlos Edriel Yulo, kinsa nahimong labing unang Pinoy nga nakaangkon og gold medal sa World Artistic Gymnastics Championships sa Germany.

Si Petecio mao pa lang ang ikaduhang Pinay nga boksidor nga nahimong world champion sunod ni Josie Gabuco niadtong 2012.

Sa gold medal match, gilupig ni Petecio si Russian boxer Liudmila Vorontsove.

Sama ni Yulo, si Petecio nadakawat og pagdayeg gikan mismo sa Malacañang.

“The Palace congratulates Filipino boxer Nesthy Petecio for winning the 2019 AIBA Women’s Boxing World Championships yesterday,” pamahayag ni presidential spokesman Salvador Panelo.

“Our people are one in rejoicing Nesthy’s triumph after winning against her Russian opponent in the latter’s turf country. Indeed, it was a proud moment for Nesthy and the Philippines.”

Ang 3-time Southeast Asian Games silver medalist miagi og lima ka mga kontra una niya gikaharong si Vorontsova.

“We expect Nesthy to shine even more in the coming Southeast Asian Games to be held in Manila next month as she carries the flag with full pride and honor in front of her countrymen,” dugang ni Panelo.

Sulod na sab sa 20 ka mga tuig nga nag-boksing si Petecio.

Nagsugod siya sa boksing sa edad nga siyete sa iyang yuta nga natawhan sa Tuban, Davao del Sur.

Gumikan kay nihit ang oportunidad alang sa Pinay nga mga boksdor kaniadto, nilanat pa og walo ka mga tuig una nakakuha’g dakong oportunidad si Petecio.

Unang nakaangkon og medalya si Petecio sa 2011 SEA Games sa Jakarta, Indonesia diin nakabira siya og silver.

Human niini, mas nadasig si Petecio nga makalabni og gold medal sa world championship. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph