SUPERBALITA CEBU

Pagbida ni Pacquiao sa salida sa sine gisaway

MIDEPENSA ang kampo ni Manny Pacquiao sa pagkahimong bida sa boxer-politician sa makasaysayong salida kabahin ni revolutionary general Miguel Malvar nga nakatakda alang sa international release sa sunod tuig.

Ang pagkahimong bida ni Pacquiao ning maong salida giuwan og mga pagsaway sa netizens lakip na sa mga kaliwat sa bayaning Batangueño.

“Manny did not volunteer for the job and he is not even spending a single centavo for this venture. Hindi siya mag-i-invest dito, talent lang talaga siya and he was asked to do the role,” pasabot sa beteranong showbiz talent manager Arnold Vegafria.

Ang usa sa mga kaliwat ni Gen. Malvar nga si Gabriel Malvar, kinsa usa ka director ug film executive producer, nipadayag nga wala siya nalipay nga si Pacquiao maoy gikuhang bida ning maong salida.

Gitino hinuon ni Gabriel nga ang iyang pagsupak wala’y kalabutan sa kapabilidad ni Pacquiao nga sa pag-arte.

Matod ni Gabriel nga wala bisan usa sa ilang pamilya ang gikonsulta kabahin ning maong salida.

“Had I been consulted, I would have said that I preferred someone not involved in politics or in public service to portray him,” matod ni Gabriel nga napatik sa Spin.ph.

“I do not think he (Gen Malvar) would have preferred to have his name associated with anyone in politics and government service. I would like his name and legacy totally apart from the political milieu.”

Apan gipasabot ni Vegafria nga gikinahanglang si Pacquiao maoy mobida ning maong salida gumikan kay ilado kini sa tibuok kalibutan.

“International release yung movie, so kailangan mo ng pang-draw. Yung sikat, yung kilala sa ibang bansa,” pasabot ni Vegafria.

“Sino ba ang sikat na Pilipino na kilala sa ibang bansa? Si Pacquiao lang naman, di ba?”

Sulod na sab sa 10 ka mga salida ang gibidahan ni Pacquiao gikan niadtong 2000 hangtod 2015, kadaghanan niini pulos wala mokita sa box office.

Si Pacquiao, kinsa usa ka senador, nakatakdang mosugod pag-shooting alang ning maong salida karong Oktubre 18 sa Batangas.

Gibanabanang sulod lang sa 15 ka mga adlaw mahuman ang shooting sa mga eksena ni Pacquiao tungod sa iyang bulohaton sa senador. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph