HUMAN gikwestyon ni Sangguniang Panlalawigan (SP) Member Jessa Mugot ang transparensiya sa pamunoan ni Misamis Oriental Governor Bambi Emano,
gibweltahan kini ni Emano atol gihapon sa senimanang pagpakayab sa nasudnong bandila.
Matud ni Emano nga sa dili pa mokwestyon ug transparensya, si Mugot tubagon sa niini ang giingong P3.6 milyones nga paghatod ug pagdawat sa serbisyo nga walay supporting documents.
"Kung gusto siya og transparency, grabe siya. Tan-awa siya sa lungsod sa Gitagum. Sa konsehal pa siya, naay P3.6 milyones nga dili ma-ascertain nga obligation. Lack of supporting documents showing that goods were delivered or accepted. Services to actually render naay ilang gipalit naay ilang gitransact. Pero walay supporting documents sa lungsod sa Gitagum," matud ni Emano ug miingon nga adunay pay wala na liquidate nga social pension sa Department of Social Welfare and Development (DSWD) ug uban pa.
Sa dili pa niini mokwestyon ug transparensiya giingong atimanon sa niini ang lungsod sa Gitagum nga kanhi giserbisyuhan niini.
Si Mugot nga nainterbyu sa SunStar Superbalita, namahayag nga gilauman na niya kini nga mga bwelta ni Emano.
"Ready na gyod ko actually. Everytime naay battle diri sa SP, expected na gyod na nga mo-react atong governor. I don’t take it seriously. I-clear nako nga naa daw ko unliquidated. Asa ang iyahang basis? Nangutana ta. I even called our municipal accountant kay diba iya gyod gipahayag ganina in front of everybody," matud ni Mugot ug miingon nga bisan iyang amahan grabe ka lenient kon hisgotan ang kwarta ug mahadlukon.
Gihagit sab niini ang gobernador nga bisitahon ang munisipyo sa Gitagum.
Dugang ni Mugot nga gidawat na usab niya ang mga matag karon ug unya nga bwelta ni Emano, ug walay sayop kon aduna siyay mga madiskubre sa pamunoan niini.
"Oh my God, wholeheartedly ako nang gidawat. It’s really normal for me nga iya kung tirahan ug ako kana gi take as challenge kay gipili ko sa katawhan," panapos niini.