PRO-10 mikondena sa isyung recycled drugs



GIKONDENA sa kadagkoan sa Police Regional Office (PRO-10) ang kontrobersyal nga isyung recycled drugs sa kapulisan.

Nasayran nga gani sa kontrobersyal nga drug operation niadtong tuig 2013 sa Pampanga, gi-alegahan ang hepe sa Philippine National Police (PNP) nga si Chief General Oscar Albayalde nga duna kini kalambigitan sa maong isyu kinsa niluwat na usab sa katungdanan niadtong Lunes, Oktubre 14.

Atol sa pagkasikop sa high-valued target sa Bulua niadtong nilabay nga adlaw, nibutyag si Police Lieutenant Colonel Mardy Hortillosa, tigpamaba sa PRO-10, nga ila gikondena ang maong kalihokan sa kapulisan kung duna man.

"Gi-condemn gyud namo na siya. Wala mi gitudloan. Para unsaon laugar namo nga among i-recycle kay among ibaligya kay para maka kwarta mi? Corruption naman na siya. Usa pa pud, mura namig dealer gihapon pud mi anang druga," matud ni Hortillosa.

"It means to say, dili namo masuportahan ang kampanya sa atong Presidente - kampanya sa Pilipinas nga mahimong drug-free kay pulis mismo ang gapabaligya. So gi condemn gyud namo na siya nga binuhatan sa atong kapulisan kung naa man galeng," dugang pa.

Gibutyag usab niini nga ang PRO-10 naningkamot nga walay kapulisan nga malambigit niini ug gani kanunay nga nag-monitor si Regional Director Police Brigadier General Rafael Santiago.

Gidugang usab niini nga dili sila magpaapekto sa maong isyu ug magpadayon diha sa pagpanerbisyo sa katawhan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph