WALA na sab matiwas ang praktis sa Gilas Pilipinas niadtong Lunes sa gabii, Oktubre 14, 2019 sa Merlaco gym.
Gipasabot ni national coach Tim Cone nga duha ra sa upat unta niyang gustong ipabuhat sa mga sakop sa Gilas ang nahuman.
Ningtunga unta ang tanang 15 ka mga sakop national training pool apan gitataw ni Cone nga dili niya gustong hatagan og grabeng pressure ang mga magduduwa gumikan sa kampanya niini sa Philippine Basketball Association (PBA) Governor’s Cup.
“I really wanted to be careful with the guys and not push them too hard,” matod ni Cone sa interbyu sa Spin.ph.
“We planned to do three things, basically four things today, we only got two done. So the other two, we didn’t get done. I could have done it longer, but I could see the concentration is waning."
Hasta si Fil-German Christian Standhardinger mitunga bisan nakurat kini nga gi-trade siya sa San Miguel Beermen ngadto sa NorthPort Batang Pier baylo kang Mo Tautuaa.
Unya naa sab ang mga three-pointer nga sila si Matthew Wright sa Phoenix Fuel Masters ug Marcio Lassiter sa San Miguel bisan pareho kining gikan sa pagkaangol.
Giangkon ni Cone nga nasagmuyo siya nga wala na sab nila matiwas ang ilang gimbuhaton apan kinahanglan niyang sabton ang sitwasyon sa mga sakop sa national pool.
Hinuon, matod ni Cone nga dali ra nga makuha sa mga magduduwa ang iyang ipangtudlo hinungdang wala ra siya mabalaka og insakto.
Ang national pool nangandam alang sa 2019 Southeast Asian Games nga ipahigayon sa Piilipinas sugod karong Nobiyembre 30. (ESL)