Yulo ug Petecio ma-milyonaryo

MAKADAWAT og P1 million matag usa ang umaabot nga Olympians nga sila si Carlos Yulo ug Nesthy Petecio isip insentibo sa ilang paglangkat og gold medal sa managlahing world championship competitions nga ilang gisalmutan ning bag-uhay lang.

Nagkanayon si Philippine Sports Commission (PSC) chairman William Ramirez nga ubos sa Republic Act No. 10699 or the National Athletes and Coaches Benefits and Incentives Act, ang duha ka mga atleta makadawat og P500,000 nga insentibo matag usa.

Gawas sa ihatag sa gobiyerno, ang duha ka mga atleta hatagan sab og laing P500,000 matag usa gikan sa PSC.

“Based on the law, si Yulo kukuha siya ng P500,000 as world-level qualifier. Dinagdagan ng PSC Board ngayong araw na ito ng additional P500,000 monetary reward,” matod ni Ramirez nga napatik sa www.abs-cbnnews.com.

“Si Nesthy Petecio naman, kukuha rin siya ng P1 million sa Wednesday.”

Si Yulo midaog og gold medal sa 49th FIG Artistic Gymnastics World Championships sa Germany samtang si Petecio midaog og gold medal sa 2019 AIBA Women’s World Boxing championship sa Russia.

Ning maong mga kalampusan, ang duha ka mga atleta naka-qualify na alang sa 2020 Tokyo Olympics.

Sa laing bahin, ang fighting senator nga si Manny Pacquiao mi-congratulate sab nila ni Yulo ug Petecio.

Alang kang Pacquiao, ang kalampusan nila ni Yulo ug Petecio usa ka maayong ehemplo aron ibalhin sa sports patrons sa nasod ang ilang pagtutok ngadto sa events diin adunay dakong poruhan ang Pilipinas nga maghari.

Sa kasamtangan, ang sports patrons sa nasod nagtutok sa basketball bisan sa kamatuoran nga wala’y poruhan ang Pilipinas nga makahagpat og bulawan ning maong event gikan sa world stage.

“Just like many Filipinos, I love basketball and there is nothing wrong with it. But as far as the government’s sports development policy is concerned, we should refocus our resources and energy on other sports because there is no way that we could beat bigger and faster players in world basketball,” opisyal nga pamahayag ni Pacquiao. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph