DEAR Atty. Joan,
Maayong adlaw nimo diha ug sa injong mga kauban sa Children’s Legal Bureau.
Tagoa lamang ko palihog sa pangan nga 'Jaylu', lumad nga taga Probinsya sa Bohol.
Ang akong suliran bahin sa anak sa among silingan nga special child. Makdaghan na nakapasipa sa among mga butang.
Ang nakapaikag nako sa pagsumbong niya tungod sa usa ka adlaw, kalit lang gipaak sa special child ang anak sa among silingan nga nisangko sa pagkasamad sa bukton sa 10 anyos nga bata.
Apan ang akong gikalagotan pag-ay mao ang mga ginikanan sa special child way pagkabana sa nabuhat sa ilang anak.
Atty. Joan, unsa man ag angay nakong buhaton isip silingan aning usa ka special child? Palihug tambagi ug lamdagi kining gihabulan sa kangit ngit ko nga panghuna huna.
Imong magtatampo,
Jaylu
Dear Jaylu,
Maayong adlaw diha kanimo ug sa imong mga paisano diha sa Probinsya sa Bohol ug daghang salamat sa kanunay nimo nga pagsunod niining lindog.
Ang labing maayo nimo nga buhaton mao ang pagsumbong ngadto sa labing dool nga buhatan sa DSWD aron mahatagan kini ug igo nga pagtagad.
Ubos sa balaod dili ka pahamtangan ug silot ang usa ka bata labi pa ang usa ka special child. Adunay programa ang DSWD mahitungod sa paghatag ug pag amuma sa mga bata nga adunay special nga panginahanglanon.
Ang mga sakop sab sa DSWD ang muhatag ug igong edukasyon ngadto sa mga ginikanan sa special child sa kaimportante sa ilang papel sa pag amuma sa special child ug ang ilang tulobagon kon ugaling makahimo ang special child ug kalapasan sa balaud.
Hinaot nga nalamdagan ang naglibog nimo nga huna-huna.
Inyong ubos nga alagad,
Atty. Joan