DEAR Papa Joe,
Ako diay si Pangit. Akong problema about sa gugma ug sa akong family.
Nagtrabaho kog sugod dinhi sa Cebu tuig 2011. Pila ray estorya, nakauyab ko. Six months na mi nagkauyab ug nabuntis dayon siya. Bisan kon wala kaayo ko nahigugma niya, ako siyang gidawat sa akong kinabuhi tungod kay magkaanak na mi ug dili sad ko gusto modako ang bata nga walay amahan.
Nakasal mi tungod kay magsige siya og kasuko, magsita kon kanus-a nako siya pakaslan. Mao to nagpakasal mi. Ug sa wala damha, Papa Joe, naa koy nakila nga kauban nako sa work before. Sa kadugay namong kuyog, nakita nako niya ang akong gipangita sa usa ka babaye. Wa magdugay, nagkauyab mi.
Kahibawo ko dako kaayo kog sala nga nabuhat, pero happy kaayo ko kon mag-uban mi sa girl. Hangtod nga ni-resign siya og niuli sa ila sa Davao. Sige gihapon ang among communication hangtod niabot ang time nga ni surrender na siya kay nakonsensya na daw siya sa among gibuhat ug nakigtunga ra siya. Dili daw siya gusto nga makihati lang sa nako ug sa akong family. Maluoy siya sa akong mga anak.
Sakit kaayo nako, Papa Joe, tungod kay love na kaayo nako siya. Ni-offer na ko niya nga biyaan nako akong asawa ug moadto niya pero mo-support gihapon ko sa mga bata pero wala siya mosugot kay dili daw lalim magpadako og bata ang usa ka single mom. Buotan kaayo siya tungod kay sakto kaayo iyang gipanulti. Unsa may akong buhaton para makalimtan siya
Pangit
Pangit,
Plain and simple, sakto siya mao nga ayaw na lang libuga pa. Simba, Dong, para malamdagan ka. Kay kadto iyang gibuhat usa to sa pagpamata nimo. Atubanga imong responsibilidad, di kay suporta lang nga financial ang imong ihatag. Gikinahanglan nga naa ka kanunay kay ang bata maoy mag suffer kon imong biyaan.
Papa Joe
(sa inyong tampo ipadala sa papajoesuperb@gmail.com)