MGA 107 na ka mga wanted person ang nasikop sa kapolisan sa Valencia City sulod 100 ka adlaw.
Kini sulod sa pamunoan ni Police Lieutenant Colonel Surki Sereñas diin ang mga dinakpan gibalhog na sa prisohan.
Matud ni Sereñas nga gikan sa pagka-spokesperson sa Police Regional Office-Northern Mindanao, gi-assign siya sa Valencia City kon asa siya ang nihulip ni Lieutenant Colonel Ritchie Yandug human kini nakabaton og seryosong sakit ug nagpahulay sa kasamtangan.
"He was also performing his job really well. In fact, Valencia City Police was awarded as 'Most Outstanding City Police Station-Nationwide' during his time," matud ni Sereñas.
Sulod sa iyang pamunoan, gipaabot niini nga basi sa record sugod sa Hulyo 1 ngadto Septiyembre 30, 2019, niubos og 25 porsiyento ang kriminalidad sa Valencia City ug padayon sa pag-ubos matag bulan. Gikan sa 43 insidente sa Hulyo, nahimong 33 sa Agusto ug 28 sa Septiyembre.
"Our Crime Solution Efficiency (or CSE) is 56 percent, which means we have solved more than half of the crime committed in the city. Although 56 percent is still very low, this is far better than the national average of 38 percent CSE and CSE regional average of 44 percent," matud ni Sereñas ngadto sa iyang kritiko.
Sulod sab niini, moabot ngadto sa 107 ka mga wanted person ang nadakpan.
"Valencia City police have arrested 107 wanted persons covered with warrants of arrest, which means: more than one wanted person is arrested every single day. This does not include those arrested without warrant," pasabot niini ug miingon nga daghan pa sila gisikop nga moabot og 450 kon asa 205 ang napasakaan og kaso.
Labot sab sa giyera kontra druga moabot ngadto sa 440 gramo sa gitouhang shabu ang nasakmit kon asa aduna kini street value nga P660,000.
Aminado sab kini nga dunay mga kaso nga padayon pa gihatagan og kasulbaran karon panahona.
"We admit that there are crimes which were not solved just yet, but we are doing our best to solve them at the soonest possible time," pahayag niini.