SUPERBALITA CAGAYAN DE ORO

12 lungsod sa Northern Mindanao pakyas sa road clearing

PAKYAS ang 12 ka mga lungsod sa Northern Mindanao sa gimando ni Presidente Rodrigo Duterte nga clearing operation sa tibuok nasud.

Kini ang gikumpirma ni Department of the Interior and Local Government (DILG)-Northern Mindanao Director Arnel Agabe, kinsa niingon nga ang validation gilangkoban sa 69 below nga mao ang failed compliance, 70-80 mao ang low compliance, 80-90 medium compliance, ug 91-100 high compliance o excellent ug maayo ang performance.

Sa Misamis Oriental, ang pakyas sa pagpatuman niini mao ang lungsod sa Tagoloan, Manticao ug Balingoan. Sa Bukidnon, pakyas ang Manolo Fortich, Baungon, Damulog, ug Sumilao, samtang sa Lanao del Norte mao ang Tagoloan, ug lima sa Camiguin nga mao ang Mambajao, Sagay, Benoni, Catarman, ug Guinsiliban.

Bugtong ang mga lungsod tanan sa Misamis Occidental lamang ang pasado sa validation.

Gipasabot ni Agabe nga dili lang dinhi matapos ang pagguba sa mga nakababag nga estruktura sa kadalanan kay aduna na usab bag-ong kamandoan si DILG Secretary Eduardo Año nga tahasan sa mga mayor ang mga kapitan sa barangay nga motabang sa pagpatuman niini.

Pagklaro ni Agabe nga ang gi-validate ang mga municipal mayor ug walay labot ang gobernador apan mo-supervised lamang kini sa iyang gisakopan nga lungsod isip dako.

"Ang gi-validate lamang ang city ug municipal mayor kay sila man gyod ang magpatuman sa polisiya nga ang atong mga dalan kana para sa sakyanan, while atong sidewalk para gyod sa atong mga pedestrian," matud ni Agabe.

Ang team nga mag-validate kung nahimo ba sa sa LGU ang tahas gilangkoban sa national ug local validation team nga giapilan sa personahe gikan sa DILG, Philippine National Police, Bureau of Fire Protection, ug media.

Ang siyudad sa Cagayan de Oro ug Gingoog anaa sa medium compliance nga kategorya, samtang ang El Salvador City anaa sa low compliance.

Giaghat ni Agabe ang mga mayores nga himuon ang ilang tahas aron dili ma-sanction ug mapatawag ang atensyon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph