Asa mabutang ang mga roundabout?: Gwen sa DPWH

BUMPER-TO-BUMPER: Mao kini ang kahimtang sa trapiko sa M.C Briones st. sa Dakbayan sa Mandaue atol sa peak hours sa Martes sa hapon, Oktubre 15. Nakita ni Gobernador Gwendolyn Garcia nga ang roundabout usa sa mga dinaliang solusyon sa trapiko sa Metro Cebu busa gusto siya nga ilhon sa Department of Public Works and Highways (DPWH) ang mga dapit nga mahimong butangan niini. (Allan Cuizon)
BUMPER-TO-BUMPER: Mao kini ang kahimtang sa trapiko sa M.C Briones st. sa Dakbayan sa Mandaue atol sa peak hours sa Martes sa hapon, Oktubre 15. Nakita ni Gobernador Gwendolyn Garcia nga ang roundabout usa sa mga dinaliang solusyon sa trapiko sa Metro Cebu busa gusto siya nga ilhon sa Department of Public Works and Highways (DPWH) ang mga dapit nga mahimong butangan niini. (Allan Cuizon)

GIPAHINUMDOMAN ni Cebu Governor Gwendolyn Garcia ang Department of Public Works and Highways (DPWH) sa pagpresentar sa ilang report ug assessment sa kadalanan sa Sugbo sa mosunod nga Metro Cebu Development and Coordinating Board (MCDCB) meeting.

Kinahanglan, matod ni Garcia, nga ilhon kon hain ang mga intersection ug mamahimong kabutangan og round abouts nga usa sa iyang gilantaw nga makatabang pagsulbad sa trapiko sa Sugbo.

“Mao to, nag suggest ko nga in areas nga naay traffic, mag roundabout ta, parehas sa Fuente kay there will be always a steady flow. It’s not the perfect solution but it is immediately doable”, matod ni Garcia.

Niadtong Septiyembre 27, 2019, nasagmuyo ang gobernador sa “no show” atol sa MCDCB meeting ni DPWH Regional Director Edgar Tabacon nga gitahasan sa paghatag og report kabahin niini.

Matod ni Garcia nga ang roundabouts maoy labing dali nga posibleng sulbad sa huot nga sitwasyon sa trapiko nga di usab kinahanglan nga mogasto pa og binilyon ka pesos ug pipila pa ka tuig sa pag-construct niini.

“Kay sa mag-construct pa ka og flyover or maghimo pa ka og tunnel, pila man na ka tuig, duha? Kini ron mao raman ning eskina ang panguhaon aron ma widen lang, unya mabutangan. It does not have to be as huge as Fuente Osmeña,”matod ni Garcia.

Sa padayong pagtuki sa problema sa trapiko sa kaulohan, si Garcia mitataw nga kinahanglan nga hunungon na ang paglalis ug mas hatagan og prioridad ang paghatag ug solusyon.

“Nagsigi na hinuon og debate, sigi nalang og lalis, puro nalang sulti. Mas maayo siguro let’s find ways to address it whether its a crisis or it’s getting to be a problem, ang irritation, depending on your interpretation and the level of which you have been subjected”, saysay ni Garcia.

Dugang ni Garcia nga gikinahanglan usab ang koordinasyon sa local transport groups, sa Land Transportation Office (LTO-7),traffic enforcers ingon man sa mga Sugbuanon nga kinahanglan nga mosubay gyud sa balaod.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph