SUPERBALITA CEBU

Hubo nga pictures i-post kon dili makig-sex

BLACKMAIL. Tulo ka mga kaso ang atubangon sa 22 anyos nga si Tony (dili tinuod nga pangalan) gumikan sa iyang pagpanghulga nga i-post sa social media ang hubo nga pictures sa iyang kanhi kapuyo bugti sa pakig-sex niini sa katapusang higayon. (BBT)

WA MOLAMPOS sa iyang tinguha ang 22 anyos nga lalake inay nga nagsabot sa iyang kanhi ka-live in nga magtagay sa lawasnong kalipay sud sa motel, pusas na hinuoy gitaod kaniya.

Nasayran nga napugos lang ang babaye nga gitago sa pangalang Gretchen, 22 sa sabot nga mag-sex sa iyang kanhi kapuyo kay gihulga nga kadtong hiniposan nga hubo niyang hulagway i-post sa suspek sa social media.

Tungod sa maong pagpanghulga nidangop sa Regional Anti Cyber Crime Unit (RACCU)7 niadtong Lunes, Oktubre 14 ang biktima og misaysay sa maong pagpanghulga.

Si P/Cpl. Dennis Louie Castillo, RACCU7 nagkanayon sa dihang nahinabi sa mga tigbalita nga nahadlok ang biktima nga tinud-on ang bahad sa maong lalake nga gitago sa pangalang Tony, hinungdan nga gi-plano ang entrapment operations.

Sa dihang nahinabi sa Superbalita Cebu si Grechen mi-asoy nga ang iyang kanhi kaipon mi-chat kaniya nga misaad nga dili na siya mag sinamok kon makipag sex kini sa katapusang higayon human sila nga nagkabuwag.

Apan sa higayon nga dili motuman si Gretchen ang mga kuha niini nga nude pictures nga na-save sa cellular phone ni Tony ipakatap niini sa social media o siguradong dakong kauwawan kini sa dungog sa biktima

Sud sa usa ka motel sa dakbayan sa Mandaue gipahigayon ang operasyon sa mga tinugyanan sa Anti-Cyber Crime Unit niadtong Lunes sa hapon. Nakugang nalang si Tony sa dihang gitaoran siya og pusas sa pulis.

Nasayran nga tulo ka kaso ang atubangon sa suspek nga ipasaka sa reklamante nga naglakip sa kasong grave threats ug kalapasan sa R.A. 9262 o kalapasan sa pagpang daug daug sa kababayin-an.

Lakip na ang kalapasan sa anti photo video voyeurism act of 2009 o anti cybercrime act.

Nasuta nga sulod sa lima ka tuig ang duruha nag-ipon diin adunay silay duha ka mga anak apan nagkabuwag sa wa matino nga rason.

Dugang pa nagdumili ang suspek sa paghatag sa iyang habig sa dihang gisuwayan og hinabi ning tigbalita. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph