SUPERBALITA CEBU

Grado sa Paglaum scholars ipa-review sa gobernador

TUNGOD sa hangyo sa mga scholars ubos sa Paglaum Scholarship program sa kapitolyo nga padayunon ang programa, si Gobernador Gwendolyn Garcia mopa-review sa Kapitolyo sa mga grado sa maong mga tinun-an.

Sa pagkakaron, unahon una sa kapitolyo ang pagbayad sa mga bayrunon pa sa graduating scholars. Matod ni Garcia nga gikinahanglan nga sundon ang standard bar sa mga angay nga tawgon nga scholars sa gobyerno tungod kay ang gibayad sa pagpatungha kanila, kwarta sa katawhan.

“We should set the bar too. Let us not lower the bar. Unya mga Cebuanos gud ta, unya kwarta baya ni. Kwarta ni sa mga Sugbuanon. So, di nato usik-usikan”, matod ni Garcia.

Ubos sa bag-o nga scholarship grant nga mao ang CP- GIFTS, gikinahanglan nga kab-uton sa mga tinun-an ang 85% passing grade sa matag subject sa kinatibuk-an.

“Para nako, let’s do things right. Let’s do it the way it should be done because we are spending public funds. And I believe we should always raise the bar. Let’s not be contented with good enough, ‘ah pwde ra ang 75, unsaon man na ang sobra?”, matod sa gobernador.

Si Bise Gobernador Hilario Davide III nihangyo kang Garcia nga kon duna pa’y mga paagi nga maka-apply ang Paglaum scholars sa bag-ong scholarship base sa bag-o usab nga guidelines, dawaton unta nila kini.

Ang administrasyon ni Garcia mipapas sa Paglaum Scholarship program sa Kapitolyo ug giilisdan sa bag-o nga programa nga ipatuman na sa sunod school year. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph