“Abundang Ani: Tinubdan sa Kalambuan, Hulagway sa Kalamboan”
HUGYAW, maanindot nga kolor ug lingaw ang milangkub sa selebrasyon sa 7th Binulig Festival 2019 sa Panabo City.
Subay sa temang “Abundang Ani: Tinubdan sa Kalambuan, Hulagway sa Kalamboan”, mga Panaboans nagsaulog sa abunda ug makalingaw nga kalingawan inubanan ang panaghiusa sa nagkadaiyang kultura ug malungtarong agri-based economy.
Kalingawan gihimo Oktubre 7 ug nahuman 13, adlaw’ng Dominggo.
Usa sa giatangan ang Sayaw sa Kadalanan ug Drum and Lyre Competition nga mihatag og hugyaw sa palibot.
Midaug karon nga tuig ang Northlink Institute of Technology.
Nakuha sab nila ang Most Heart Group Award, Best in Costume ug Best in Musicality.
Samtang sa Drum and Lyre Competition ang unang pwesto nakuha sa Narciso B. Galapin E/S, second placer ang Panabo National HS ug 3rd place ang
Panabo Central E/S SPED Center DLC.
Niadtong Oktubre 7, nasaksihan ang Parada uban ang float contest sa Barangay Salvacion ngadto Panabo Gym Ground.
Highlight sab sa maong adlaw ang pagpakita sa Giant Binulig Cake, lakip na pagbukas sa Binulig Food Park.
Niadtong Martes, Oktubre 8, gihimo ang Binulig Pastry and Coffee Making Competition, Pag-abli sa Binulig Agri-Village, Pasundayag sa Binulig.
Samtang pagka-Miyerkules, nagbaha ang saging sa Banana Delicacies Fair. Mirampa sab ang mga maanyag nga kandidata sa Hiyas ng Binulig 2019 - Talent Night.
Samtang sa adlaw’ng Huwebes, makalingaw ang mga paduwa sa Adlaw sa Mag-uuma, lakip na ang Binulig Color party and Music Night.
Adlaw’ng Biyernes, Binulig Trabaho, Negusyo, Kabuhayan ug ang Coronation Night sa Hiyas ng Binulig 2019.
Miangkon sa korona ang marine biology student sa Davao Del Norte State College nga si Glory Jane S. Dueña, 21.
Nakuha sab sa Top 5 Finalist sila: Aina A. Tanaka (1st Runner-up), Anjelina S. Flojo (2nd Runner-up), Mary Bless L. Araño (3rd Runner-Up) ug si Jescña Ven Ferlyn S. Cadeliña (4th Runner-up).
Ubang aktibidad mao ang Binulig Airsoft Tournament, Binulig Na Ani Street Dancing Showdown, Dance Battle ug daghan pa.