NAKADAWAT ko og reklamo sa mga isyu nga naglambigit ni Boljoon Mayor Merlou Derama.
Usa niini may kalambigitan sa isyu sa kantidad sa bugas nga dul-an sa usa ka milyun ka pesos ug asa kini mipaingon.
Sa pagsuwat nako niining estorya wa pa makatubag si Merlou sa maong isyu aron makuha ang iyang habig.
Gisuwayan sab ug tan-aw sa Agila ang mga pangan sa “Kuadro Alas” nga giingong nagdominar sa negusyo sa lungsod ug sa mga lungsod sa ika-duhang distrito.
Di lang una ibulgar sa Agila ang pangan sa Kuadro Alas. Apan nganong naa man ang pangan ni Merlou nga maoy kasamtangan mayor?
Kamong mga reklamante kon tinuod mo nga isog ipasaka ang kaso ngadto sa Ombudsman nga proper venue. inyong pasangil nga ang mga Derama, sama sa mga Durano sa Danao City nga dili na gusto nga magpapuli.
Ang report nga nadawat sa Agila, matud pa, nagpulipuli ug lingkod sa katungdanan sa pagka mayor ang pamilyang Derama. Sa pagkakaron, si Mayor Merlou ang naglingkod nga anaa sa katapusang termino.
Si Merlou unang napili sa pagka mayor niadtong tuig 2013 nga election. Human iyang gipulihan ang iyang iyaan nga si Daday Derama Celis nga napili sa pagka mayor niadtong 2007.
Sa pagkakaron si Daday, basi sa report sa Agila, maoy consultant on barangay affairs ni Gobernador Gwendolyn Garcia sa Probinsya sa Sugbo.
Si Daday mipuli ni Wargong Derama nga nagdominar sa lungsod sa pagka mayor ug giila nga maoy “political kingpin” sa Boljoon.
Ang maka uuwaw kay dunay report ang Commission on Audit ( COA ) nga niadtong July 2011 ngadto sa June 2012 sobra ang paghabhab ug fuel ang service vehicle sa mayor.
Puwede diay na nga ang Toyota Fortuner sa kanhi mayor motubil og krudo ug gasolina nga nakapaduda og dako sa COA?
Mora mag cellphone dual sim! Mao nay ilang giingon nga “only in Boljoon”?
Paabuta ang mosunod nga mga isyu sa Agila.
Email: efrenlonzon71@gmail.com Text:09235562777