SUPERBALITA CEBU

De Leon moasumer karong adlawa sa PRO 7 hulip ni Sinas

BAG-ONG PRO 7 DIRECTOR. Si Police Brigadier General Valeriano de Leon maoy muhulip ni Police Brigadier Gen. Debold Sinas isip bag-ong hepe sa Police Regional Office-Central Visayas (PRO 7) sugod ugma, Huwebes, Oktubre 17, 2019. Sa wala pa napili isip PRO 7 director, si De Leon maoy hepe sa Firearms and Explosive Office (FEO) sa Camp Crame. (Hulagway gikan sa FB page ni De Leon)

SI POLICE Brigadier General Valeriano de Leon, kanhi hepe sa Firearms Explosives Office (FEO), moasumer karong adlaw isip bag-ong director sa Police Regional Office (PRO) 7 hulip kang Brigadier General Debold Sinas.

Si Sinas niasumer na sugod kagahapon, Miyerkules, Oktubre 16, isip director sa National Capital Regional Police Office (NCRPO). Gihulagway ni Sinas si de Leon nga kugihan ug maayo motrabaho.

Si De Leon miyembro sa Philippine Military Academy (PMA) class of 1989.

Adunay mga ngalan nga nitumaw kinsa ang mohulip kang Sinas sa Central Visayas apan, ang selection board sa national headquarters nitudlo kang de Leon.

Nagsugod usab sa iyang karera sa pamulis si de Leon sa siyudad sa Davao nga gihulagway ni Sinas nga snappy nga klase sa pagka pulis opisyal.

Pasalig ni Sinas sa mga taga Central Visayas nga naa sa maayong kamot sa publiko kon si de Leon ang regional director sa PRO 7.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph