WALA ra ma-pressure si All-Star center Anthony Davis sa grabe ka taas nga ekspektasyon sa mga sumosunod sa Los Angeles Lakers ngadto kaniya sa iyang paghiabot ning maong puwersa.
Ang 26 anyos nga superstar mibiya sa New Orleans Pelicans aron motapon sa Lakers, nga usa ka multi-titled squad sa National Basketball Association (NBA) apan nagkasalimoang sa milabay’ng unom ka mga tuig.
Gihangop ni Davis ang usa ka dakong tahas nga mao ang pag-agak og balik sa Lakers aron mahimong balik og usa ka title-contender.
Adunay dakong rason nga dili ra angayang mabalaka si Davis gumikan kay kaabag niya ning iyang misyon ang laing All-Star nga si four-time MVP LeBron James.
“We’re going to feed off each other tremendously,” matod ni Davis kabahin sa panagpares nila ni James.
“I think we’re two guys who are very selfless and just want to win. When we have two guys like that, it makes both of our jobs easier.” (ESL)