ANG Jose Maria College (JMC) Kings ug University of Mindanao (UM)-Main Wildcats nagsangka sa pagbukas sa 2019 Collegiate Sponsors League (CSL) Escandor Cup sa Almendras Gym Davao City Recreation Center.
Gipayukbo sa Kings ang Rizal Memorial Colleges (RMC) Bulldogs, 102-60, uban si SPC-Mandarin Player of the Game Ian Gaslang nga mibuslo og 10 ka puntos sa liga nga giorganisa sa Samahang Basketbol ng Pilipinas (SBP)-Davao ilawom ni regional director Glenn Escandor.
Ang UM Wilcats mipildi sab sa Holy Cross of Davao College (HCDC) Crusaders, 82-77.
Si Jaymar midribol og 14 puntos, 11 rebounds ug duha ka blocks.
Ang Holy Cross College of Sasa, sa ilang parte, mipildi sab sa Ateneo de Davao University (Addu) Blue Knights, 86-75, diin si Aldrin Caballes miposte og 22 puntos.
Ang duwa mobalik karon, Oktubre 17, diin ang Agro-Industrial Foundation College of the Philippines (AIFCP) Sailors magduwa kontra Cor Jesu College of Digos sa alas 4 p.m.
Mosunod ang DMMA College of Southern Philippines sa 5:30 p.m. ug Brokenshire College kontra UM-PeƱaplata sa 5:30 p.m.
Anaa sa 16 ka tims, nga gibahin sa duha ka brackets, ang mag-ilog sa Mindanao finals slot.
Ang liga gisuportahan sa Davies Paints, The Royal Mandaya Hotel, Mandarin Tea Garden SPC Branch, Max's Restaurant ug PTT Lubricants.