USA sa mga prayoridad ni Davao City Mayor Sara Duterte-Carpio mao ang hisgutanan sa edukasyon diin gibutyag niya kini atol sa iyang State of the City Address (Soca) sa Sangguniang Panlungsod niadtong Lunes, Oktubre 14.
Pagpamatuod niini ang padayon nga pagtaas sa ihap sa mga scholars gikan sa mga nanlabay nga katuigan ubos sa Educational Benefit System Unit (Ebsu).
"For the second semester of School Year 2018 to 2019, a total of 1,595 City Government scholars were accommodated under the Ebsu," tipik sa pamulong ni Duterte-Carpio.
Giingon sa mayor nga tumong sa programa aron mapahuman sa koliheyo ang mga pobre nga estudyante aron ilang makab-ot ang ilang mga pangandoy.
Nakita sa datus nga mitaas og 536 ang ihap sa mga Ebsu scholars, diin anaa na sa 1,904 ang karon lamang nga semester itandi sa 1,059 sa miaging tuig.
"Usep is also looking at opening an Annex in Barangay Malabog, Paquibato District to encourage more residents in the area to go to college and to provide a more economical option for students who reside in Paquibato but currently study downtown," ingon sa mayor, kinsa nagpasalig nga maabot sa maong serbisyo ug programa ang hilit nga mga dapit sa siyudad sa Davao.
Maayong kapanaminan. Unta masunod sab kini sa ubang lungsod ug munisipalidad. Kini ang usa sa mga butang ug pamaagi nga mabati sa katawhan ang kinasingkasing nga serbisyo sa gobyerno.
Mapadayon pa unta sa taas nga katuigan kini nga programa aron matuman ang pagkab-ot sa mga kabus diha sa ilang mga damgo.