'Clean as you go' hingusgan

GIHINGUSGAN karon sa majority floor leader nga hingpit mapatuman ang Claygo o Clean as you go diha sa mga kan-anan dinhi sa siyudad sa Cagayan de Oro.

Gibutyag ni Konsehal Ian Mark Nacaya nga taod-taod na niyang buot kining mapatuman dinhi sa siyudad.

"Clean as you go kani nga paningkamot apil lugar ni siya sa character first nga program nga kita nanghingusog more than 10 years ago nga karon gusto gyud nato mapatuman dinhi sa atong dakbayan sa Cagayan de Oro," matud ni Nacaya.

Nasayran nga buot kining ipatuman sa mga kan-anan, chain stores ug uban pa gawas lang kon dunay magpamatuod nga lakip kini sa ilang serbisyo.

Gidugang pa usab niini nga kini lakip na sa pagpaningkamot nga makamugna og mga maayong pamatasan sa mga kabatan-onan ug pinaagi niining gamay nga butang matul-id ang kultura nga nitipas gamay ug mahatagan og importansiya ang paghatag og bili sa kinaiyahan, pagpanglimpyo, kooperasiyon ug pagkahapsay.

"Bisan sa mga batan-on dili na gapanglimpyo ing-ani lang nga ginagmay, pamilya nga activity mokaon sa restaurant, mahitabo nga moplastar ta sa atong mga butangan kinan-an nga didto sa angay sa ibutang paghuman sa pagkaon," dugang ni Nacaya.

Karong panahona giduso na kini sa hingtungdan nga komitiba ug gikatakdang ipahigayon ang public hearing aron masuta usab ang panglantaw ug opinyon sa kadaghanan o sa komunidad.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph