ANG 42nd National Milo Marathon Davao Leg nga himuon karong Dominggo, Oktubre 20, nga gibana-banaang mohakot og 10,000 ka entrante, gilantaw nga maka-prodyus na sab og mga bag-ong marathon kings sama nila Rafael Poliquit ug Jeorge Andrade nga midominar sa tinuig nga lumba sa nanglabay nga tuig.
Si RunRio representative Abbie Aranda, atol sa Davao Sportswriters Association (DSA) Forum sa The Annex of SM City Davao, Huwebes, “Davao is the home of the champs like Andrade and Poliquit. We always look forward to the Davao leg. We are happy to be back.”
Niadtong 2017, suma niya, kapin 100 ka managanay gikan Davao leg ang mi-qualify sa national finals.
Ang 21K runner angay morehistro og usa ka oras ug kinse minutos aron makaangkon og slot sa men’s 42K national finals samtang ang women’s qualifying time anaa sa 1:35:00.
“Marami ang nagkaka-qualify from Davao kahit sa mga age-groups,” ni Aranda.
Si Davao leg organizer Kenneth Sai sa Vantage Sports Promotions, nagkumpirma sa Sun.Star Davao nga ang Digos City-based nga si Andrade mi-qualify na sa nationals pinaagi sa General Santos City leg ning bag-o lang.
Samtang gidugang niya nga gihimo na sab ang final security coordination meeting alang sa aktibidad.
“Hopefully the earthquake kagabi hindi makaapekto sa race natin,” ni Sai.
Ang lumba manukad ug matapos sa SM Lanang Premier car park.