ANG Dabawenyang si Sydney Sy Tancontian moatubang sa mas lig-on pa nga kontest sa World Sambo Championships sa Cheongju, Korea, Nobyembre 8 ngadto 10 human milampurnas og bronze medal sa World Youth and Juniors Sambo Championships 2019 sa Sports Complex Uzbekistan ning bag-o lang.
Samtang siya nagsaulog sa iyang kadaugan nga bronze sa women juniors 80+ kg event, ang 19-anyos nga si Tancontian, “For seniors naman po ang World Sambo Championships.”
Tungod niini mas mahagit siya sa iyang pakigharong sa mas hamtong nga magduduwa.
Si Tancontian, nga bag-uhay ra sab miangkon og bulawan sa 2019 Asian Sambo Championships sa India, mipildi niTetiana Kostenko sa Ukraine, 4-0, sa ilang bugno sa bronse sa Uzbekistan.
“Sobrang grateful po na na bless po ako ulit. And magandang exposure po para sa nalalapit na SEA Games,” ni Tancontian.
Nakakuha sab siya og bronse sa 2019 Chungju World Martial Arts Masterships sa Chungju, South Korea niadtong Septyembre, World Sambo Championships 2018 sa Bucharest, Romania ug 2019 Sambo World Cup Kharlapiev Memorial Competition sa Moscow, Russia, Marso 2019.