SUPERBALITA DAVAO

Lokal Kasikas: Ngilngig Davao 2019: Oportunidad alang filmmakers



PORMAL nga gilusad ang Ngilngig Asian Fanstasic Film Davao, may titulong PANIID: Ngilngig Sneak Peek 2019, Miyerkules, Oktubre 16 sa Green Windows Dormitel, ning siyudad sa Davao.

Gipresenta sab ang opisyal nga poster kauban ang mga film teasers ug trailers alang sa kalihukan.

Ang ika-lima nga edisyon sa “Ngilngig” gitawag nga Ngilngig Asian Fantastic Film Festival Davao, diin gipakatag ang impluwensya pinaagi sa pagpasalida sa nagkadaiyang matang sa “fantastic films” gikan sa Pilipinas, Asia, ug lain-laing parte sa kalibutan.

Ipasalida sa festival inubanan sa 57 ka short films nga dunay extraordinary nga full-length features gikan sa nasud sa China, Thailand, Malaysia, Indonesia, Spain, Canada ug US.

Buksan ang festival pinaagi sa epic period drama nga “Masla A Papanok” nga gimugna ni Gutierez Mangansakan II ug ang Bontok Folktale short film “Tokwifi” nga gimugna usab ni Carla Pulido Ocampo.

Sa miaging horror-genre film festival, mas gipadako pa sa Ngilngig ang maabtan nila aron mahimo silang labing una nga Fantastic Film Festival sa Southeast Asia.

Ang festival maghatag og opportunidad sa lokal ug international filmmakers nga mapromotar ug mapreserba ang kaugalingong mitolohiya, kasaysayan, ug kultura pinaagi sa pelikula.

Ngilngig, o sa laing tema “Ngiga” (gikan sa puntong ngilngiga), nahimong komon na ginagamit sa mga Bisaya nga pwede pud sabton nga “Kuyaw.”

Moere karong Oktobre 25 ngadto 29, 2019 sa Davao Cinematheque Centere ang mga pelikula, ug sa mga piling tunghaan, unibersidad, ug sa uban pang dapit sa dakbayan.

Duna say mga piniling filmmakers nga miapil sa film camp ug film lab nga mopaambit sa ilang kasinatian.

“Challenging kaayong proseso. Sa tinuod lang, mi abot ko sa punto nga kailangan nako mosulat og script 15 ka beses para ma-presenta nako og tarong ang mga narratives ug unsa man ang mas epektibo sa mga gatan-aw,” ni Kiana Kimberly Flores, usa ka film enthusiast.

Dugang sab ni Angeli Chi, nga ang paghimo og pelikula taas nga proseso aron kinatibuk-ang masabtan sa molantaw ang dagan sa istorya.

Ang Ngilngig Asian Fantastic Film Festival Davao 2019 giorganisa sa Pasalidhay, kauban ang Balud Art Network, Micromedia Digital Video Productions, Timewrap Film Productions ug Panagtagbo.

Misuporta sab ang Film Development Council of the Philippines, Green Windowns Dormitel, Hager Travel & Tours ug Cinedashery.

Anaa sab ang Holodeck Productions, Road Map Series, Pukaw, Track ug Davao Graphic Designers Company.

Sa dugang impormasyon kabahin sa festival, ticket reservations, duawa ang website www.ngilngig.net. (Claire Yvonne Aznar ug Ma. Corena Joy Biñan, AdDU intern)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph