MGA duwa karon:
Tuburan Municipal Complex
Volleyball:
2:00 pm. - Aloguinsa vs Balamban
3:30 pm. - Tuburan vs. Barili
Basketball
5:30 pm. - Aloguinsan vs. Balamban
7:00 pm. - Tuburan vs. Barili
Ang pagkutlo sa ikaduhang sunodsunod nga kadaugan maoy tumong ug tuyo sa Tuburan ugmang adlawa sa dihang ila na usab nga turno ang pag-host sa Cong. PJ Cup Basketball and Volleyball tournament.
Human sa ilang kadaugan batok sa Aloguinsan niadtong Dominggo, ning higayona, ang Tuburan mosuway sa katakos sa Barili sa basketball ug volleyball events.
Sa basketball, gipukan sa Tuburan ang Aloguinsan, 89-75, ubos sa pagpangulo ni Jessie Cris Bayno, kapitan sa barangay Mag-alwa kinsa mipuga og 29 puntos, samtang sa volleyball ila usab nga gisiruhan ang Aloguinsan, 2-0.
Hinuon gipaabot nga batok sa Barili nga adunay 2-1 nga baraha, ang Tuburan makasugat og hugot nga kombati. Sa volleyball, ang Barili naghupot og 1-2 nga record.
Subay niini, paghugtan sa Balamban ang ilang paghupot sa liderato sa basketball ug volleyball events pinaagi sa pagpakigsangka sa Aloguinsan.
Dala ang 2-0 nga record, mosulod sa korte ang Balamban nga inilog batok sa Aloguinsan nga wala pay daog sulod sa tulo ka duwa sa basketball.
Hinuon, dili makasiguro ang Balamban sa volleyball event batok sa Aloguinsan kinsa aduna nay 2-1 nga baraha.
Subay niini, si Alvin Canada, ang tournament director, subling mipahibawo nga mobalik didto sa lungsod sa Pinamungajan ang mga duwa.
Ikasangbang sa Pinamungajan ang Aloguinsan samtang mag-abot usab ang Toledo City ug Tuburan. (JBM)