DEAR Papa Joe,
Ako diay si Elvira, taga Negros pero ania ako karon sa Cebu kay nakapares man ko og taga diri. Kining akong suliran kabahin kini sa akong ugangang hilaw.
Sa sinugdanan man gud, wa ko mauyoni aning akong ugangan kay lagi pabor siya sa kanhi sa iyang anak nga naminyo pero ga expect pa siguro sila nga magbalik pa ilang anak ug kadtong babaye. Mao na, makadungog na lang ko og mga estorya sa mga tawo nga wala daw sila makauyon nako kay lagi maldita ko ug arte which is dili tinuod kay wala man sila makaila nako gyud.
Niabot ang panahon nga moingon akong pares nga kalimtan na lang to kay lahi na daw og pagtan-aw iyang mama nako. Pero di man gyud nako mawala sa akong huna-huna nga maglagot niya nga mura sad siya og si kinsa. Karon akong bana moingon nga nahiubos daw lagi siya nako kay sakitan siya. Di ko maayo og buot sa iyang mama nga unta ni-try na iyang mama nga ma-close nako, apan ako ang dili. Unsa kahay buhaton nako? Tambagi ko.
Elvira
Elvira,
Ang tanang tawo adunay oras sa pag-usab. Sama nimo, kon imo sad siyang pasayluon, nausab sad ka.
Kanang isyu sa in-laws naa gyud na siya pero, isip mga ginikanan na unta nimo ug maguwang, naa sad ta to ang pagtahud kay kana balaanon. Sabton ta to nimo nga dili pwede kalit ang pagdapig sa imong ugangan nimo kay naanad sad to siya sa usa. Imbis nga i-win nimo iyang heart, nakiglain na hinuon ka.
So, way maayong padulngan labi nga wa pa mo makasal. Mawad-an ta og grasya ana. Tagai og chance imong kaugalingon nga ma instrumento sa mga tawo nga mausab sa matarong ug di mosamot ang mga bati na hinuon.
Papa Joe
(sa inyong tampo ipadala sa papajoesuperb@gmail.com)