SUPERBALITA CEBU

Kyaw-Kyaw: “Livewire onstage” si Ethel Booba

NALINGAW ko ning gihimo sa It’s Showtime nga pagbalik sa una nilang mga bangga sama sa sayaw unya mohatag og score ang audience inig syagit ni Kuya Kim og ‘score mo, show mo!

Nahinumdom ko adtong gipabisita ang E-Group sa ABS-CBN sa Showtime studio. Mga choir ang nagtigi adto.

Syempre, kay apil sa audience gipahatag pod mi og score ug gi-interbyu ni Kuya Kim kabahin sa gihatag nga score. Di ko mag-tell kinsa ang gipangutana.

•••

Consistent gyud si Dulce sa iyang pagtimbaya sa madlang pipol ginamit ang pinulongang Bisaya. Kon Bisaya o Cebuano ang contestant, mag-Binisaya pod siya inig sugod niyag komentaryo.

Nahinumdom ko sa tubag sa mag-aawit sa taga Manila nga niingon nga ‘liability’ niya ang pag-Binisaya. Iyang tubag: “It’s not a liability. It’s my identity.” O-ha!

•••

Niadtong Biyernes, gidasig ni Dulce si Ethel Booba nga hatagan og igong panahon ang pagkanta kay nindot mokanta ang komedyante. “Livewire onstage” ang paghulagway ni Dulce kang Ethel nga mao ang nidaug.

Gilupig ni Ethel si Marlo Mortel nga maayo sab diay mokanta gawas nga maayong host ug reporter.

•••

Tulo ka mga batang endorsers ang akong paborito karong panahona. Una mao si Zia Dantes nga nag-endorse og gatas.

Ang ikaduha mao ang endorser sa sabon pangkaligo, ice cream, mayonnaise ug, kon wa ko masayop, sabon panglaba adtong gamay pa siya.

Ang ikatulo mao ang endorser sa pagkaon nga gisagol ang alimango ug mais. Malingaw ko sa ilang commercials.

•••

Ang mga nigradwar sa Oslob Central Elementary School mohimo sa unang grand homecoming karong Dec. 22, 2019.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph